O‘zbekiston temir yo‘llari tizimida inqilobiy o‘zgarish yuz bermoqda. Joriy yilning 2-mayidan boshlab Toshkent — Urganch — Xiva yo‘nalishi bo‘yicha Janubiy Koreyaning zamonaviy Hyundai Rotem poyezdlari harakatlana boshlaydi.
Yangi avlod poyezdlari soatiga 260 km tezlikda harakatlanish imkoniyatiga ega. Bu esa yo‘lovchilar uchun misli ko‘rilmagan qulaylik yaratadi:
-
Ilgari Urganch va Xivaga oddiy poyezdlar bilan yetib borish uchun o‘rtacha 14 soat vaqt sarflangan bo‘lsa, endilikda bu masofa bor-yo‘g‘i 7 soatda bosib o‘tiladi.
-
har bir tarkib bir vaqtning o‘zida 390 nafar yo‘lovchini o‘z manziliga yetkazishga mo‘ljallangan.
Shinamlik va xizmat ko‘rsatish darajasi Hyundai Rotem poyezdlari jahon standartlari asosida jihozlangan bo‘lib, yo‘lovchilar uchun turli toifadagi vagonlar taklif etiladi:
-
Vagon turlari: Sayohat davomida yuqori darajadagi servisni xush ko‘ruvchilar uchun VIP va Biznes-klass vagonlari xizmat ko‘rsatadi.
-
Zamonaviy sharoitlar: Barcha vagonlar iqlim nazorati (konditsioner), yumshoq o‘rindiqlar va shovqin izolatsiyasi bilan ta’minlangan.
-
Raqamli qulayliklar: Yo‘lovchilar safar davomida multimedia tizimlaridan foydalanishlari va o‘z gadjetlarini quvvatlantirishlari mumkin.
Sayyohlik salohiyatining oshiwi Xorazm vohasiga tezyurar qatnovlarning yo‘lga qo‘yilishi ichki va tashqi turizmni rivojlantirishda muhim burilish yasaydi. Endilikda qadimiy Xivani ziyorat qilish uzoq davom etuvchi safardan yoqimli va tezkor sayohatga aylanadi. Bu esa o‘z navbatida mintaqadagi mehmonxonalar va xizmat ko‘rsatish sohalariga yangi sur’at bag‘ishlaydi.
Izohlar
Hozircha izohlar yo‘q