Toshkentda yuk mashinasidan olib kirilishi taqiqlangan 15 ming quti nikotinli snyus topildi. Bojxona xodimlari kontrabanda egasini ham aniqlashdi.
Unda avvaldan kuzatuvga olingan yuk avtomobili ko‘zdan kechirilganda, yukxonasida 30 ta karton qutiga joylangan jami 15 ming dona nikotinli snyus borligi aniqlandi. Ushbu taqiqlangan tovarlarning umumiy qiymati 1 milliard 200 million so‘mni tashkil etdi. Keyingi tezkor harakatlar natijasida ushbu kontrabanda yukining egasi kimligi ham aniqlandi.
O‘zbekistonga nikotinli snyus olib kirish butunlay taqiqlangan. Uni noqonuniy ravishda muomalaga kiritganlik uchun ma’muriy javobgarlik, ya’ni BHMning 200 baravarigacha jarima, shuningdek 5 yilgacha ozodlikdan mahrum qilishni nazarda tutuvchi jinoiy javobgarlik choralari belgilangan.
Taqdim etilgan statistikaga ko‘ra, joriy yilning dastlabki 6 oyi davomida bojxona xodimlari tomonidan respublika bo‘yicha 185 ta shunday holat fosh etilgan. Noqonuniy muomaladan umumiy qiymati 4,2 milliard so‘mlik 58 403 quti nikotinli snyus musodara qilingan.
Izohlar
Hozircha izohlar yo‘q