Al-Beruniy nomidagi xalqaro maktab-internat o‘quvchisi yotoqxona derazasidan tushib ketib, 10 kundan so‘ng shifoxonada vafot etdi. Prokuratura tekshiruv o‘tkazmoqda.
Toshkentda Al-Beruniy nomidagi xalqaro maktab-internatning 16 yoshli o‘quvchisi yotoqxona binoyining to‘rtinchi qavatidagi derazadan tushib ketishi oqibatida vafot etdi. Bu haqda Bosh prokuraturaga tayanib xabar berildi.
Hodisa 5-sentyabr kuni sodir bo‘lgan. O‘smir zudlik bilan shifoxonaga yotqizilgan, biroq ko‘rsatilgan tibbiy yordamga qaramay, 10 kundan keyin olgan jarohatlari tufayli vafot etgan. Hozirda ushbu holat bo‘yicha Olmazor tumani prokuraturasi tomonidan tergovga qadar tekshiruv harakatlari olib borilmoqda, hodisaning kelib chiqish sabablari va tafsilotlari aniqlanmoqda.
