Toshkent metrosi bir kunda 1 181 581 nafar yo‘lovchiga xizmat ko‘rsatib, o‘z tarixidagi eng yuqori ko‘rsatkichni qayd etdi. Oktyabr oyida kunlik yo‘lovchilar soni 1,2 millionga yetishi kutilmoqda.
1 nafar yo‘lovchiga ko‘pdir. Kuzgi mavsum boshlanishi, oliy ta’lim muassasalarida o‘quv yilining start olishi va poytaxtdagi ishbilarmonlik faolligining ortishi ortidan metroga tushadigan yuklama keskin oshdi. May oyida sutkalik ko‘rsatkich 1,11 million kishini tashkil etgan bo‘lsa, oktyabr oyiga kelib kunlik yo‘lovchilar oqimi 1,2 million kishilik marrani zabt etishi kutilmoqda.
Infratuzilmani kengaytirish va poyezdlar parkini yangilash
Yo‘lovchilar oqimining bunday jadal o‘sishi poytaxt jamoat transports tizimini kompleks modernizatsiya qilish va poyezdlar parkini bosqichma-bosqich yangilash tufayli ta’minlanmoqda.
Tig‘iz vaqtlarda yo‘lovchilar tirbandligini kamaytirish hamda qatnov intervallarini qisqartirish maqsadida 2026-yilgi dastur doirasida xarid qilinishi rejalashtirilgan barcha 14 ta zamonaviy poyezd tarkibi to‘liq Toshkentga olib kelindi va yo‘nalishlarga chiqarildi.
Yangi harakatlanuvchi tarkiblarning foydalanishga topshirilishi, ayniqsa, Chilonzor va Yunusobod yo‘nalishlarida o‘tkazuvchanlik quvvatini oshirish hamda yo‘lovchilarga ko‘rsatilayotgan xizmat sifatini yangi bosqichga ko‘tarish imkonini bermoqda.
