2026-yilning to‘rt oyida Sudanda dronlar zarbasidan 880 kishi halok bo‘ldi. BMT urushning yangi va halokatli bosqichi hamda ommaviy ocharchilik xavfidan ogohlantirmoqda.
BMT Oliy komissari Volker Tyurkning ta’kidlashicha, zarbdor dronlarning muntazam armiya va «Tezkor harakat kuchlari» tomonidan faol ishlatilishi urushni yanada qonli bosqichga olib chiqdi.
Zamonaviy texnologiyalar tufayli harbiy harakatlar ob-havo sharoitiga, xususan, ilgari janglar intensivligini pasaytirgan yomg‘irlar mavsumiga bog‘liq bo‘lmay qoldi. Bu esa aholining xavfsiz hududlarga ko‘chishi uchun imkoniyatlarni keskin cheklab qo‘ymoqda.
Uch yildan buyon davom etayotgan ushbu inqiroz davomida 11 milliondan ortiq inson o‘z uy-joyini tashlab ketishga majbur bo‘ldi. Mamlakatning ko‘plab hududlarida ocharchilik va vabo kabi yuqumli kasalliklar xavfi ortib bormoqda. Xalqaro kuzatuvchilar yaqin haftalarda dronlar orqali amalga oshiriladigan hujumlar ko‘lami mamlakatning markaziy va sharqiy viloyatlariga ham yoyilishidan va qurbonlar soni yanada ortishidan xavotirda.
