Google va SpaceX koinotda orbital ma’lumotlar markazlarini qurish bo‘yicha kelishuv tuzmoqda. Bu loyiha Yerdagi resurslar tanqisligi muammosini hal qiladi.
Google va SpaceX koinotda ma’lumotlarni saqlashga mo‘ljallangan orbital markazlarni yaratish bo‘yicha kelishuv tuzmoqda. Ushbu loyiha orqali kompaniyalar raketalar yordamida serverlarni orbitaga chiqarishni rejalashtirgan. Ilon Maskning fikricha, koinotdagi ma’lumot markazlari uning kompaniyasi uchun yangi rivojlanish davrini boshlab beradi.
Koinotdagi markazlar quyosh energiyasidan quvvat oladi, bu esa Yerdagi elektr energiyasi va joy tanqisligi muammosini hal qiladi. Google rahbari Sundar Pichayning so‘zlariga ko‘ra, yaqin yillarda koinotga serverlar yuborish oddiy holga aylanadi. Google hozirda SpaceX aksiyalarining 6,1 foiziga egalik qiladi va loyihaning asosiy hamkori hisoblanadi.
Shuningdek, SpaceX 2026-yilda aksiyalarini ochiq savdoga chiqarishga tayyorlanmoqda. Bu koinot texnologiyalari tarixidagi eng yirik moliyaviy voqea bo‘lishi kutilmoqda. Kompaniya nafaqat Google, balki sun’iy intellekt bilan shug‘ullanuvchi Anthropic kabi gigantlar bilan ham hamkorlikni kengaytirmoqda.
Izohlar
Hozircha izohlar yo‘q