Sirdaryo viloyatida EDF kompaniyasiga tegishli yangi IESda 1600 MVt quvvat uzilib qoldi. O‘zbekiston va Qozog‘iston energetika tizimida uzilishlar kuzatildi.
Avariyaviy o‘chish va elektr ta’minotini bosqichma-bosqich tiklash
Energetika vazirligi matbuot xizmati xabariga ko‘ra, hodisa hozirda sozlash va ishga tushirish jarayonlari olib borilayotgan ob’ektda tonggi soat 05:05 da qayd etilgan. Avariyaga qarshi avtomatika tizimining ishga tushishi respublikaning ayrim hududlarida elektr energiyasi yetkazib berishda vaqtinchalik uzilishlarga olib keldi. Uzilishlar asosan qishloq xo‘jaligi suv nasoslari hamda maishiy iste’molchilar ta’minotida kuzatildi.
Energiya saqlash tizimlari hamda zaxira elektr stansiyalari quvvatlarini safarbar etish evaziga barcha iste’molchilar tarmoqqa qayta ulandi.
Mintaqaviy energetika tizimiga ta’siri va Qozog‘istondagi holat
Sirdaryo IESdagi generatsiyaning uzilishi qo‘shni davlatlar energetika tizimiga ham o‘z ta’sirini ko‘rsatdi. Qozog‘istonning KEGOC elektr tarmoqlarini boshqarish kompaniyasi ma’lumotlariga ko‘ra, O‘zbekiston tizimidagi uzilish Markaziy Osiyo birga shakllantirgan energetika halqasidan quvvatning keskin oqib o‘tishiga va Qozog‘istondagi Shimal — Janub tranzitining ajralishiga olib kelgan.
Ushbu holat sababli Qozog‘iston energetika tizimida iste’molchilarni cheklash hajmi 962 MVtni tashkil etgan. Hozirgi vaqtda qo‘shni davlatda ham barcha чекlovlar to‘liq olib tashlandi va tarmoq barqaror ish rejimiga o‘tkazildi.
Izohlar
Hozircha izohlar yo‘q