O‘zbekiston prezidenti Shavkat Mirziyoyev 30-iyul – 1-avgust kunlari davlat tashrifi bilan Qirg‘izistonda bo‘ladi. Oliy darajadagi muzokaralar va qator ikkitomonlama hujjatlar imzolanishi kutilmoqda.
O‘zbekiston prezidenti Shavkat Mirziyoyev Qirg‘iziston prezidenti Sadyr Japarovning taklifiga binoan 30-iyul – 1-avgust kunlari ushbu mamlakatga davlat tashrifini amalga oshiradi.
Oliy darajadagi muzokaralar davomida do‘stlik, yaxshi qo‘shnichilik va strategik sheriklik munosabatlarini yanada mustahkamlash, o‘zaro savdo hajmini oshirish, sanoat kooperatsiyasini kengaytirish hamda transport-logistika va madaniy-gumani tar aloqalarni rivojlantirish masalalari ko‘rib chiqiladi.
Shuningdek, davlat rahbarlari xalqaro va mintaqaviy kun tartibining dolzarb masalalari yuzasidan fikr almashadilar.
Tashrifning asosiy voqealari:
-
Ko‘p qirrali hamkorlikni rivojlantirishga qaratilgan ikkitomonlama hujjatlar paketini imzolash;
-
Markaziy Osiyo va Ozarbayjon davlat rahbarlarining norasmiy Maslahat uchrashuvida va boshqa tadbirlarda ishtirok etish.
