Shavkat Mirziyoyev Bokuda BMT shafeligidagi Butunjahon urbanizatsiya forumining 13-sessiyasida ishtirok etmoqda. Davlat rahbari sammitda nutq so‘zlaydi.
O‘zbekiston Prezidenti Shavkat Mirziyoyev BMTning Aholi punktlari bo‘yicha dasturi shafeligida Boku shahrida o‘tkazilayotgan Butunjahon urbanizatsiya forumining 13-sessiyasi ochilish marosimida ishtirok etdi. Poytaxtdagi Kongress markaziga tashrif buyurgan davlatimiz rahbarini Ozarbayjon Prezidenti Ilham Aliyev hamda BMT dasturi ijrochi direktori Anaklaudiya Rossbax kutib oldi. Tadbir doirasida forumi ishtirokchilarining birgalikda suratga tushish marosimi ham bo‘lib o‘tdi.
Mavsumiy anjumanning bu galgi asosiy mavzusi barcha uchun uy-joy hamda xavfsiz va barqaror shaharlar hamda jamoalar deb nomlandi. Nufuzli tadbir ishida dunyo davlatlari va hukumatlari rahbarlari, xalqaro tashkilotlar hamda taraqqiyot institutlari yetakchilari qatnashmoqda. Forum kun tartibidan shaharlarning izchil rivojlanishi, aholining zamonaviy hamda arzon uy-joylarga bo‘lgan ehtiyojini ta’minlash, shahar muhiti sifatini oshirish, iqlim barqarorligini mustahkamlash, ijtimoiy va transport infratuzilmasini kengaytirish hamda uy-joylarni moliyalashtirish mexanizmlarini takomillashtirish kabi muhim masalalar o‘rin olgan. O‘zbekiston Prezidenti forumning Yetakchilar sammitida nutq so‘zlashi rejalashtirilgan.
