Rossiyada 2027-yildan rasmiy daromadi past bo‘lgan yoki daromadlari haqida ma’lumot bo‘lmagan chet el fuqarolariga patent berish rad etiladi yoki mavjud hujjat bekor qilinadi.
Yangi tartib va uning kuchga kirishi
2027-yildan e’tiboran Rossiyada ishlayotgan xorijlik fuqarolar, jumladan o‘zbekistonlik mehnat migrantlari, agar ularning rasmiy daromadlari haqida IIVda ma’lumot bo‘lmasa yoki maoshi belgilangan darajadan past bo‘lsa, patentdan mahrum bo‘lishi mumkin. Rossiya Prezidenti Vladimir Putin tegishli qonunni imzoladi.
Daromad mezonlari va istisnolar
Hujjatga ko‘ra, minimal daromad darajasi hududiy yashash minimumi va maxsus koeffitsiyent asosida xodimning o‘zi hamda uning qaramog‘idagi har bir voyaga yetmagan farzandi uchun alohida hisoblab chiqiladi. Ushbu talab patentni birinchi marta rasmiylashtirayotgan xorijliklarga hamda faqat jismoniy shaxslarning shaxsiy va uy-ro‘zg‘or ehtiyojlari uchun ishlayotgan fuqarolarga nisbatan tatbiq etilmaydi.
2026-yilning 1-oktyabridan e’tiboran Rossiya soliq organlari IIVga xorijiy ishchilarning 3, 6, 9 va 12 oylik daromadlari to‘g‘risidagi ma’lumotlarni uzatishni boshlaydi. Biroq patentni bekor qilish yoki berishni rad etish bo‘yicha qarorlar faqat 2027-yildan boshlanadigan davrlar uchun toplangan ma’lumotlar asosida qabul qilinadi.
Amaldagi tartibga ko‘ra, patent muddati faqat advance to‘lovi (JSHODS) amalga oshirilgan muddatgacha uzaytiriladi. Agar to‘lov boshqa shaxs tomonidan o‘tkazilsa, kvitansiyada xorijlikning o‘z INN raqami ko‘rsatillishi shart.
Izohlar
Hozircha izohlar yo‘q