Real Madrid muxlislari Kilian Mbappega qarshi imzo yig‘ishni boshlashdi. Mavsumda 41 ta gol urgan hujumchi o‘zining tartibsiz xatti-harakatlari tufayli tanqidlar ostida qoldi.
Madridning Real klubi ishqibozlari fransiyalik hujumchi Kilian Mbappega nisbatan keskin norozilik bildirishni boshladi. Footmercato nashri tarqatgan ma’lumotlarga ko‘ra futbolchining jamoadan ketishi borasidagi petitsiya bir soat ichida 70 mingdan ortiq imzo to‘pladi. Ijtimoiy tarmoqlarda hujumchining suratlari ostida uni klubni tark etishga chorlovchi yozuvlar ommalashmoqda va bu muxlislar hamda futbolchi o‘rtasidagi munosabatlar sovuqlashganidan dalolat beradi.
Muxlislar g‘azabiga Mbappening yaqinda Italiyaga qilgan safari sabab bo‘lgani aytilmoqda. Ko‘plab tarafdorlar uning maydon tashqarisidagi xatti-harakatlarini klub imidjiga mos emas deb hisoblaydi. Qizig‘i shundaki tanqidlarga qaramay Kilianning maydondagi foydali ish koeffitsienti yuqoriligicha qolmoqda. Joriy mavsumda u barcha musobaqalarda 41 ta o‘yinda maydonga tushib raqiblar darvozasiga 41 ta to‘p kiritishga muvaffaq bo‘ldi. Shunga qaramay samarali o‘yin ham muxlislarning unga nisbatan salbiy munosabatini o‘zgartira olmayapti.
Izohlar
Hozircha izohlar yo‘q