Qozog‘iston prezidenti Qosim-Jomart Toqayev Favqulodda vaziyatlarda xavfsizlik kengashi bilan yig‘ilish o‘tkazdi. Hukumatga mintaqada vaziyat beqarorlashsa harakat rejasini tayyorlash topshirildi.
Prezident barcha qurolli tuzilmalarni kuchaytirilgan, 24/7 rejimiga o‘tkazish bo‘yicha ko‘rsatma berdi. Bu qaror Eron atrofidagi keskinlashgan vaziyat fonida qabul qilindi, deb xabar beradi Akorda.
Nimalar sodir bo‘ldi:
Yaqin Sharqdagi keskinlashuv ortidan davlat rahbari Xavfsizlik kengashi va huquqni muhofaza qiluvchi organlar rahbarlari bilan yig‘ilish o‘tkazdi. Toqayev Qozog‘iston milliy xavfsizligiga tahdid solishi mumkin bo‘lgan har qanday chaqiriqlarga tezkor javob berish zarurligini ta’kidladi.
Qabul qilinayotgan chora-tadbirlar:
- Qurolli blok: IIV, Mudofaa vazirligi va maxsus xizmatlar 24/7 rejimiga o‘tkazildi. Xavfsizlik kengashi kotibiga favqulodda choralarni ishlab chiqishni muvofiqlashtirish topshirildi.
- Monitoring: Tashqi ishlar vazirligida Eron va qo‘shni davlatlardagi voqealarni real vaqt rejimida kuzatadigan maxsus guruh tashkil etildi.
- Fuqarolarni himoya qilish: TIV qozog‘istonliklarga mojaro hududiga safar qilmaslikni tavsiya qilmoqda, hududda bo‘lgan fuqarolarga esa ehtiyot choralarini ko‘rish yoki hududdan chiqish imkoniyatini ko‘rib chiqish tavsiya etiladi.
- Transport: Aviatsiya idoralari xavfli hududlar ustidan uchishlarni cheklash maqsadida reys yo‘nalishlarini o‘zgartirmoqda.
Hokimiyat vaziyat to‘g‘ridan-to‘g‘ri prezident nazorati ostida ekanini, hukumatga esa geosiyosiy vaziyat yomonlashsa hayotiy infratuzilma va tizimlarning uzluksiz ishlashini ta’minlash topshirilganini ta’kidladi.
Oldinroq xabar berilishicha, mintaqadagi bir qator davlatlar ham keng ko‘lamli harbiy to‘qnashuv xavfi tufayli xavfsizlik choralari kuchaytirilgan.
