Hukumat qarori bilan davlat OTMlarida o‘qiydigan pedagoglar farandlariga kontrakt to‘lovidan 30% chegirma beriladi. Ariza kontrakt.edu.uz orqali topshiriladi.
Chegirma ajratish tartibi
Vazirlar Mahkamasining 2026-yil 17-sentabrdagi 501-son qarori bilan davlat oliy ta’lim tashkilotlariga o‘qishga kirgan hamda таҳсил олаётган pedagoglarning farzandlariga to‘lov-kontrakt summasidan chegirma berish tartibi tasdiqlandi. 2026/2027 o‘quv yilidan boshlab har yili davlat OTMlarida bakalavriatning kunduzgi ta’lim shaklida o‘qiydigan pedagog farandlari uchun 30 foiz miqdorida chegirma qo‘llaniladi. Agar pedagogning bir nechta farzandi davlat OTMlarida shartnoma asosida tahsil olayotgan bo‘lsa, chegirma har bir farand uchun alohida ajratiladi.
Chegirma qo‘llanilmaydigan holatlar
Hujjatga ko‘ra, mazkur imtiyoz oliy harbiy va harbiylashtirilgan ta’lim muassasalari, O‘zbekistondagi xorijiy ta’lim tashkilotlari va ularning filiallari hamda nodavlat OTMlarda o‘qiydiganlarga nisbatan qo‘llanilmaydi. Shuningdek, xorijiy hamkor OTMlarning qo‘shma ta’lim dasturlari bo‘yicha tahsil olayotganlarga va qo‘shimcha hamda tabaqalashtirilgan (super-kontrakt) to‘lov-kontrakt asosida o‘qiydiganlarga ham ushbu chegirma berilmaydi.
Arizani ko‘rib chiqish va bekor qilish shartlari
Talabalar shartnoma olish uchun kontrakt.edu.uz tizimi orqali ariza yuboradi va mas’ul tashkilot uni 2 ish kuni ichida ko‘rib chiqadi. «Raqamli hukumat» tizimining idoralararo platformasi orqali talabaning pedagog farzandi ekani tasdiqlangach, chegirma avtomatik tarzda o‘quv yili uchun bir marotaba qo‘llaniladi. Agar ota yoki ona pedagoglik toifasidan mahrum etilsa, keyingi o‘quv yilidan e’tiboran chegirma berish to‘xtatiladi.
Izohlar
Hozircha izohlar yo‘q