O‘zbekiston milliy terma jamoasi Nyu-Yorkda Niderlandiya bilan o‘ynaydi. JCh-2026 oldidan Kannavaro shogirdlari tayyorgarlikni davom ettirmoqda.
Mazkur uchrashuv joriy yilning 8-iyun kuni Nyu-Yorkdagi «Isahn» stadionida bo‘lib o‘tishi belgilangan. O‘yin Toshkent vaqti bilan soat 23:45 da boshlanadi va bu bahs jamoamiz uchun o‘ziga xos sinov vazifasini o‘taydi.
Ma’lumot o‘rnida aytish joizki, O‘zbekiston terma jamoasi bo‘lajak mundialning «K» guruhidan joy olgan bo‘lib, u yerda Portugaliya, Kolumbiya va Kongo bilan kuch sinashadi. Niderlandiya esa Yaponiya, Shvetsiya va Tunis bilan birgalikda «G» guruhida kurash olib boradi.
Shuningdek, Kannavaro boshchiligidagi jamoamiz Niderlandiya bilan o‘yindan avval 1-iyun kuni musobaqa mezbonlaridan biri — Kanada terma jamoasi bilan ham o‘rtoqlik bahsini o‘tkazishi rejalashtirilgan. Ushbu uchrashuvlar futbolchilarimizning xalqaro maydondagi tajribasini oshirishga xizmat qiladi.
