Braziliya terma jamoasi tarixidagi eng yaxshi to‘purar Neymar xalqaro faoliyatiga nuqta qo‘ydi. Ushbu qaror besh karra jahon chempionlarining JCH-2026 1/8 finalida Norvegiyadan uchralgan mag‘lubiyatidan so‘ng qabul qilindi.
“Men harakat qildim, juda harakat qildim. Endi hammasi tugadi. Shu yerda boshlagan edim, shu yerda yakunladim”, — deya Neymarning so‘zlaridan iqtibos keltirmoqda Ge nashri.
AQSH, Kanada va Meksika mezbonlik qilayotgan joriy mundialga futbolchi boldir mushaklaridagi jarohat bilan kelgan edi va shu sababli guruh bosqichidagi o‘yinlarni o‘tkazib yuborib, bor-yo‘g‘i ikkita bahsda maydonga tushdi. Norvegiyaga qarshi kechgan so‘nggi uchrashuvda u penaltini aniq amalga oshirib, jamoasining yagona goliga mualliflik qildi.
Bu gol Neymar uchun 2023-yil oktabr oyidan buyon mamlakat bosh jamoasi safidagi birinchisi bo‘ldi va u afsonaviy Peledan keyin to‘rtta Jahon chempionatida gol urgan ikkinchi braziliyalik sifatida tarixga kirdi. Neymar Braziliya libosida jami 130 ta o‘yinda maydonga tushib, 80 ta gol bilan mutloq rekordchi sifatida ketmoqda. Hozirda u klub miqyosida vatanining “Santos” jamoasi sharafini himoya qilmoqda.
