Londonning nufuzli mehmonxonasida Saudiya Arabistoni qirolining qarindoshi o‘lik holda topildi. Sud-tibbiylik ekspertizasi 29 yoshli shahzodaning o‘limiga alkogol va giyohvand moddalar aralashmasi sabab bo‘lganini tasdiqladi.
Londonning nufuzli Kensington tumanida joylashgan elita mehmonxonalaridan birida Saudiya Arabistoni hukumron sulolasining 29 yoshli vakili, amaldagi qirolning uzoq qarindoshi vafot etdi. Ushbu hodisa tafsilotlari haqida Britaniyaning The Telegraph nashri xabar bermoqda.
Qirollik oilasi a’zosining murdasini xona yuvinish joyidan xizmatchi (farrosh) topib olgan va zudlik bilan huquq-tartibot idoralariga xabar bergan. Olib borilgan toksikologik va sud-tibbiylik ekspertizasi natijalariga ko‘ra, marhumda hech qanday surunkali xastaliklar aniqlanmagan.
Uning o‘limiga spirtli ichimlik hamda giyohvandlik vositalarining birgalikdagi og‘ir ta’siri oqibatida yuzaga kelgan to‘satdan yurak to‘xtashi sabab bo‘lgan. Shuningdek, ma’lum bo‘lishicha, shahzoda ushbu fojia sodir bo‘lishidan bir necha oy ilgari Londonning xususiy klinikalaridan birida zararli odatlardan davolanish kursini o‘tagan edi.
