Jizzax viloyati Zafarobod tumani hokimi G‘ayratjon Eshpulov va uning voyaga yetmagan o‘g‘li xizmat Kia Seltos mashinasida YTHga uchradi. Tuman hokimi reanimatsiyada, ahvoli og‘ir.
Jizzax viloyatining Zafarobod tumani hokimi G‘ayratjon Eshpo‘latov hamda uning voyaga yetmagan o‘g‘li og‘ir yo‘l-transport hodisasiga uchradi. Ular bo‘lgan Kia Seltos rusumli xizmat avtomobili yuk mashinasining orqa qismiga borib urilgan.
Hodisa 30-avgust kuni sodir bo‘lgan. Hozirda to‘qnashuv tafsilotlari hamda avariya vaqtida rulda kim bo‘lganiga aniqlik kiritilmoqda.
Jabrlanganlarning ahvoli
Har ikki fuqaro zudlik bilan Respublika shoshilinch tibbiy yordam ilmiy markazining Jizzax filialiga yotqizilgan.
-
Hokimning ahvoli: Shifokorlar G‘ayratjon Eshpo‘latovning ahvolini og‘ir deb baholamoqda, u jonlantirish (reanimatsiya) bo‘limida qolmoqda. Bemorga o‘ng com suyagi hamda chap boldir suyagining sinishi tashxisi qo‘yilgan.
-
O‘g‘lining ahvoli: Hokimning voyaga yetmagan o‘g‘lining ahvoli qoniqarli, unda oyoq sinishi jarohati qayd etilgan.
G‘ayratjon Eshpo‘latov 2024-yilning mart oyidan buyon Zafarobod tumani hokimi lavozimida ishlab kelmoqda. Bunga qadar u Paxtakor tumani hokimining qishloq va suv xo‘jaligi masalalari bo‘yicha o‘rinbosari lavozimida faoliyat yuritgan.
Izohlar
Hozircha izohlar yo‘q