JCH-2026 1/8 final bosqichining barcha juftliklari ma’lum bo‘ldi

Jahon chempionati 1/16 finalining so‘nggi bahsida Kolumbiya Ganani mag‘lub etib, keyingi bosqichga yo‘l oldi. Shu tariqa, mundialning 1/8 finalida to‘p suradigan barcha juftliklar nomi aniq bo‘ldi.

Futbol bo‘yicha Jahon chempionatining 1/16 final bosqichidan o‘rin olgan so‘nggi uchrashuvda Kolumbiya terma jamoasi Gana ustidan 1:0 hisobida g‘alaba qozondi. Ushbu uchrashuv yakunlanishi bilan turnirning 1/8 final (nimchorak final) bosqichida o‘zaro to‘qnash keladigan barcha terma jamoalar ro‘yxati to‘liq shakllandi. Nimchorak finalning ochilish o‘yinida Kanada terma jamoasi Marokashga qarshi bahs olib borsa, Germaniyani turnirdan chiqarib yuborib shov-shuv ko‘targan Paragvay jamoasi Fransiya bilan kuch sinashadi.

JCH–2026. 1/8 final bosqichi juftliklari:

• Kanada — Marokash

• Paragvay — Fransiya

• Braziliya — Norvegiya

• Meksika — Angliya

• Portugaliya — Ispaniya

• AQSH — Belgiya

• Argentina — Misr

• Shveysariya — Kolumbiya

Mundialning 1/8 final bosqich uchrashuvlari 4-iyuldan 7-iyulgacha bo‘lgan kunlar oralig‘ida o‘tkaziladi. Joriy yilgi Jahon chempionati g‘olibi esa 19-iyul kuni bo‘lib o‘tadigan bosh final bahsida aniqlanadi. Eslatib o‘tamiz, amaldagi Jahon chempioni Argentina terma jamoasi hisoblanadi. Argentinaliklar 2022-yilda Qatarda o‘tgan JCH finalida Fransiyani penaltilar seriyasida 4:2 (asosiy vaqtda 3:3) hisobida mag‘lub etib, bosh sovrinni qo‘lga kiritgan edi.