Raqobat qo‘mitasi «Hududiy elektr tarmoqlari» AJga nisbatan ish qo‘zg‘atdi. Korxona qarzdorlik uzilgach, tadbirkorlarni elektr tarmog‘iga qayta ulash uchun noqonuniy ravishda haq olib kelgan.
Raqobatni rivojlantirish va iste’molchilar huquqlarini himoya qilish qo‘mitasi «Hududiy elektr tarmoqlari» AJ va uning tarkibidagi korxonalarga nisbatan ish qo‘zg‘atdi. Bunga tadbirkorlik subyektlaridan asossiz ravishda to‘lovlar undirilgani sabab bo‘ldi.
Prezident farmoniga muvofiq, elektr energiyasidan qarzdorlik to‘liq uzilgandan so‘ng tadbirkorlik subyektlarini qayta ulash uchun qo‘shimcha to‘lovlar va jarimalar bekor qilingan edi. Davlat organlariga ushbu qoidani tegishli qonunosti hujjatlari qabul qilinishini kutmasdan, to‘g‘ridan-to‘g‘ri qo‘llash topshirilgan.
Biroq Biznes-ombudsman ma’lumotlari tahlil qilinganda, «HET» korxonalari 2025-yil 23-avgustdan 2026-yil fevral oyigacha bo‘lgan davrda tadbirkorlardan qayta ulash uchun to‘lov undirishda davom etgani aniqlandi.
Tekshiruvlar davomida jamg‘arilgan 965 ta shunday holat qayd etilib, asossiz olingan daromadning umumiy miqdori 5,5 mlrd so‘mni tashkil etdi. Hozirda Qo‘mita tomonidan holat yuzasidan huquqiy baho berish va o‘rganish ishlari olib borilmoqda.
Izohlar
Hozircha izohlar yo‘q