O‘zgidromet ma’lumotlariga ko‘ra, dam olish kunlari O‘zbekistonda havo harorati +37 darajagacha ko‘tariladi. Yakshanba kuni harorat 2-3 darajaga pasayib, chang-to‘zon kuzatilib turishi mumkin.
Shanba kungi ob-havo prognozi
Havo harorati kechasi +17…+20 daraja, kunduzi esa +31…+34 daraja atrofida bo‘ladi. Mamlakatimizning janubiy hududlarida va cho‘l zonasida havo harorati +35…+37 darajagacha ko‘tariladi, bu sentabr oyining ikkinchi yarmi uchun iqlim me’yoridan 2–4 darajaga yuqoridir.
Yakshanba kungi o‘zgarishlar va yog‘ingarchilik
Yakshanba kuni janubiy viloyatlardan tashqari O‘zbekiston hududida bulutlilik ortishi va kunduzgi haroratning 2–3 darajaga pasayishi kutilmoqda. Qisqa muddatli yomg‘ir faqat Namangan va Farg‘ona viloyatlarining tog‘li hududlarida yog‘ishi mumkin. Shuningdek, respublikaning cho‘l zonasi va tog‘li hududlarida shamol tezligi 13–18 m/s gacha kuchayishi, ayrim joylarda chang-to‘zonlar kuzatilishi ehtimoli bor.
Toshkent shahridagi ob-havo
Poytaxtda biroz va vaqti-vaqti bilan o‘zgaruvchan bulutli ob-havo kuzatilib, yog‘ingarchilik kutilmaydi. Shamol sharqdan 3–8 m/s tezlikda esadi. Havo harorati kechasi +18…+20 daraja atrofida bo‘ladi. Kunduzi 18–19-sentabr kunlari havo +32…+34 darajagacha isishi, 20-sentabrda esa harorat +30…+32 darajagacha pasayishi kutilmoqda.
Izohlar
Hozircha izohlar yo‘q