Germaniya Federativ Respublikasi prezidenti Frank-Valter Shtaynmayer 17–18-iyun kunlari rasmiy tashrif bilan O‘zbekistonda bo‘ladi. Tashrif dasturidan iqtisodiy bitimlar imzolanishi o‘rin olgan.
Nemis tomoni ushbu muloqotlarda iqtisodiy sheriklikni kengaytirish, o‘zaro sarmoya kiritish hamda o‘zbekistonlik mutaxassislarni Yevropa standartlari asosida o‘qitish masalalariga asosiy urg‘u berishni rejalashtirgan.
Tashrifning rasmiy qismi “Ko‘ksaroy” qarorgohida bo‘lib o‘tadi, unga qadar oliy martabali mehmon Mustaqillik monumenti poyiga gul qo‘yadi. Muzokaralarning eng muhim amaliy natijasi sifatida Germaniya ishbilarmon doiralari vakillari tomonidan O‘zbekistonda infratuzilmani rivojlantirishga qaratilgan qator yangi shartnomalar imzolanishi kutilmoqda. Shuningdek, ikki davlat yetakchilari qarorgoh bog‘ida ramziy ma’noda do‘stlik daraxtini o‘tqazadilar.
Tashrif dasturining ikkinchi kuni madaniy va ijtimoiy yo‘nalishdagi tadbirlardan iborat bo‘ladi. GFR prezidenti dastlab Islom sivilizatsiyasi markazi eksponatlari bilan tanishadi. Shundan so‘ng, delegatsiya respublikadagi yirik nemis investorlaridan biri — “GP Günter Papenburg” korxonasiga yo‘l oladi. Ushbu obyektdа Frank-Valter Shtaynmayer nemis tili o‘qituvchilari, talabalar va tadbirkorlar bilan uchrashib, Germaniyaga xavfsiz va tartibli mehnat migratsiyasini tashkil etish hamda kadrlar almashinuvi masalalarini muhokama qiladi.
