Eron atrofidagi urush global energetika inqirozini keltirib chiqardi va 160 ta davlatda aholi turmush darajasiga zarba berdi. BMTTD qashshoqlikning oldini olish uchun 6 mlrd dollar subsidiyalar ajratishga chaqirmoqda.
BMTTD administratori Aleksander De Kroo AFP agentligiga bergan intervyusida Eron atrofidagi harbiy harakatlar dunyo barqarorligiga jiddiy zarba berganini ta’kidladi. Hozirda 32 million kishi qashshoqlik yoqasiga kelib qolish xavfi ostida turibdi. Inqirozning asosiy sababi sifatida energiya resurslari narxining keskin oshishi va oziq-ovqat yetkazib berish zanjirining buzilishi ko‘rsatilmoqda.
Inqiroz jug‘rofiyasi nafaqat Yaqin Sharqni, balki Sahroi Kabirdan janubdagi Afrika mamlakatlarini hamda Osiyoning Bangladesh va Kambodja kabi davlatlarini qamrab oladi.
Ommaviy qashshoqlikning oldini olish uchun kamida 6 mlrd dollar ajratish zarur bo‘lib, ushbu mablag‘lar kam ta’minlangan oilalar uchun oziq-ovqat sotib olish va elektr energiyasi to‘lovlarini subsidiyalashga yo‘naltirilishi lozim.
Mutaxassislarning qayd etishicha, tezkor choralar ko‘rilmasa, energetika inqirozi rivojlanayotgan iqtisodiyotlar uchun uzoq muddatli retsessiyaga aylanishi mumkin.
