Qirg‘izistonda davlat tashrifi bilan bo‘lib turgan O‘zbekiston prezidenti Shavkat Mirziyoyevni Cholpon-Ota shahridagi «Ruh Ordo» madaniyat markazida rasmiy kutib olish marosimi bo‘lib o‘tdi. Tashrif doirasida oliy darajadagi muzokaralar boshlandi.
Oliy martabali mehmon sharafiga faxriy qorovul saf tortdi hamda ikki mamlakatning davlat madhiyalari tantanali ravishda yangradi. Shavkat Mirziyoyev va Sadyr Japarov faxriy qorovul safi oldidan o‘tib, rasmiy delegatsiyalar a’zolarini bir-biriga tanishtirdilar. Birgalikda suratga tushish marosimi yakunlangach, ikki davlat rahbarlari torpedo shaklidagi muzokaralar zaliga o‘tib, oliy darajadagi ikkitomonlama muloqotni boshladilar.
Davlat tashrifi doirasida o‘tkazilayotgan ushbu uchrashuvda O‘zbekiston va Qirg‘iziston o‘rtasidagi do‘stlik, yaxshi qo‘shnichilik hamda strategik sheriklik munosabatlarini yanada mustahkamlash masalalari atroflicha muhokama qilinmoqda.
Asosiy e’tibor o‘zaro savdo hajmini oshirish, sanoat kooperatsiyasi bo‘yicha yirik qo‘shma loyihalarni amalga oshirish, transport-logistika aloqalarini rivojlantirish hamda madaniy-gumanitar almashinuvlarni kengaytirishga qaratilgan. Muzokaralar yakunida ko‘p qirrali hamkorlikni yangi bosqichga olib chiquvchi salmoqli ikkitomonlama hujjatlar paketini imzolash rejalashtirilgan.
