AQSh Fuqarolik va immigratsiya xizmati (USCIS) Federal qidiruv bürosi (FQB) ma’lumotlar bazasidan foydalanish imkoniyatini kengaytirdi. 27-apreldan boshlab arizachining jinoiy o‘tmishi to‘liq o‘rganilmaguncha grin-karta yoki fuqarolik berilmaydi.
27-apreldan boshlab AQSh Fuqarolik va immigratsiya xizmati (USCIS) chet el fuqarolarining ma’lumotlarini tekshirishning yangi, qat’iy tartibiga o‘tdi. Endilikda idora Federal qidiruv bürosining (FQB) kengaytirilgan ma’lumotlar bazasiga kirish huquqiga ega bo‘ldi. Yangi qoidalarga ko‘ra, arizachining jinoiy o‘tmishi, jumladan arxivdagi hibsga olish va sudlanish holatlari to‘liq tekshirilmaguncha, grin-karta yoki fuqarolik bo‘yicha hech qanday ijobiy qaror qabul qilinmaydi.
Tekshiruv qamrovi kengaymoqda
Yangi talablar nafaqat grin-karta izlovchilarga, balki oilani birlashtirish, turli vizalar yoki siyosiy boshpana so‘rab murojaat qilgan shaxslarga ham tegishli. Ilgari e’tibordan chetda qolgan yoki yopilgan deb hisoblangan eski arxiv ma’lumotlari ham endi qayta ko‘rib chiqiladi.
Nazoratning qo‘shimcha usullari
USCIS faqat ma’lumotlar bazasi bilan cheklanib qolmay, qo‘shimcha tekshiruv choralarini ham joriy etmoqda:
-
Ijtimoiy tarmoqlar tahlili: Arizachining internetdagi faoliyati o‘rganiladi.
-
Moliyaviy audit: Daromad manbalari va bank operatsiyalari tekshiriladi.
-
Joyiga borib o‘rganish: Immigratsiya xodimlari arizachining yashash joyiga borib, haqiqatda u yerda istiqomat qilayotganini tekshirish huquqini qo‘lga kiritdi.
Mutaxassislarning fikricha, ushbu choralar arizalarni ko‘rib chiqish muddatini uzaytirishi mumkin, biroq AQSh rasmiylari bu chora milliy xavfsizlikni ta’minlash uchun zarur ekanligini ta’kidlamoqda.
