«Milliy tiklanish» partiyasi rahbari Alisher Qodirov Portugaliya bilan o‘yindagi yirik mag‘lubiyatdan keyin milliy terma tarkibini keskin tanqid qildi va bir qator futbolchilari bilan xayrlashishga chaqirdi.
Uning fikricha, jamoadagi bir qator tajribali futbolchilar allaqachon terma oldiga qo‘yilgan maqsad va vazifalar darajasiga javob bermay qo‘ygan va ular bilan «xayrlashish» vaqti kelgan.
Siyosatchi milliy terma jamoani Abbosbek Fayzullayev, Abduqodir Husanov va Karimov kabi yosh hamda iqtidorli futbolchilar atrofida qaytadan qurish kerakligini ta’kidladi. Qodirov, shuningdek, O‘zbekiston amalga oshmaydigan quruq umidlardan voz kechishi zarurligini qayd etdi.
Uning so‘zlariga ko‘ra, kelgusi jahon chempionatlari yo‘llanmasi uchun munosib kurasha oladigan mutlaqo yangi tarkibni shakllantirish ishlarini hozirning o‘zidayoq boshlash lozim.
Izohlar
Hozircha izohlar yo‘q