Bektemir tumanida radar 60 km/soat tezlikda ketayotgan avtomobilga 66 km/soat ko‘rsatib, 440 ming so‘m jarima yozdi. Videoedagilarga ko‘ra, spidometr tezligi past bo‘lgan.
Toshkent shahrining Bektemir tumanida tezlikni oshirmasdan harakatlangan haydovchi radar tomonidan jarimaga tortildi. Radar avtomobil tezligini 66 km/soat deb qayd etgan va haydovchiga 440 ming so‘m miqdorida jarima solingan.
Biroq avtomobil videoregistratori va spidometr ko‘rsatkichlariga ko‘ra, o‘sha vaqtda avtomobil tezligi 59–60 km/soat atrofida bo‘lgan.
Radarlar xatosi va haydovchilar e’tirozi
Ijtimoiy tarmoqda ushbu holatni e’lon qilgan haydovchi bunday asossiz jarimalar unga muntazam ravishda kelib tushayotganini ta’kidlamoqda.
Ushbu holat poytaxtlik haydovchilar o‘rtasida keng muhokamalarga va e’tirozlarga sabab bo‘ldi. Endilikda jamoatchilik va haydovchilar yo‘llarga o‘rnatilgan avtomatlashtirilgan kameralar va radarlar tezlikni sun’iy ravishda oshirib ko‘rsatishi mumkinmi degan savol bilan mas’ul idoralarga yuzlanmoqda.
Izohlar
Hozircha izohlar yo‘q