Urganch shahrida fuqarolar o‘rtasidagi janjal oqibatida BYD Chazor haydovchisi Cobalt, Damas va boshqa bir BYD Chazor mashinalarini qasddan urib zararladi. Hodisa tafsilotlari.
4-avgust kuni Urganch shahridagi «Istiqlol» mahallasida avtomobillar ishtirokida favqulodda hodisa yuz berdi.
Ikki fuqaro o‘rtasida kelib chiqqan nizoli vaziyat davomida Ulardan biri BYD Chazor avtomobilida keskin manevrlar bajarib, ikkinchisasiga tegishli bo‘lgan Cobalt mashinasini qasddan urib shikastlagan.
Bundan tashqari, haydovchi voqea joyida to‘xtab turgan yana ikkita transport vositasiga — oq rangli BYD Chazor hamda Damas’ga borib urilgan. Oqibatda barcha avtomobillar jiddiy texnik shikastlangan.
Hodisa sabab hech kim jarohat olmagan.
Xabar kelib tushganidan so‘ng voqea joyiga yetib kelgan ichki ishlar organlari xodimlari haydovchining harakatlarini to‘xtatib, janjalning barcha ishtirokchilarini IIBga olib ketgan. Hozirda holat yuzasidan surishtiruv ishlari olib borilmoqda.
Izohlar
Hozircha izohlar yo‘q