Loyiha doirasida Xonoboddagi chegara tartiblarini soddalashtirish, sun’iy ko‘llar barpo etish va ziyoratgohlarni obodonlashtirishga alohida e’tibor qaratiladi. Tashrif yakunlari bo‘yicha ishlarni jadallashtirish maqsadida maxsus chora-tadbirlar rejasi tayyorlanadigan bo‘ldi.
Xonobod shahri va chegara xizmati Xonobodda «Khanabad Pearl» majmuasi qurilishi va «Xontog‘» dam olish zonasi faoliyati ko‘zdan kechirildi. Asosiy e’tibor xorijiy mehmonlar uchun servis sifatini oshirish va ko‘ngilochar xizmatlarni kengaytirishga qaratildi.
-
Chegara posti: Xonoboddagi chegara-bojxona posti ish faoliyati o‘rganilib, sayyohlar uchun rasmiylashtirish jarayonlarini soddalashtirish va qulay sharoitlar yaratish bo‘yicha mas’ullarga topshiriqlar berildi.
Yangi turistik obektlar va loyihalar Viloyatning turli tumanlarida bir qator istiqbolli loyihalar amalga oshirilmoqda:
-
Xonobod: «Kampirravot» mahallasida «Sun’iy ko‘l» barpo etilmoqda.
-
Jalaquduq tumani: «Qutayba ibn Muslim» majmuasi obodonlashtiriladi.
-
Andijonsoy bo‘yi: Yangi dam olish zonasi tashkil etiladi.
-
Xo‘jaobod tumani: «Imom ota» turistik zonasini rivojlantirishga urg‘u beriladi.
Andijon shahri va madaniy meros Andijon shahrining «Torbozor» ko‘chasidagi hunarmandchilik etnozonasi va «Qal’a» majmuasiga alohida e’tibor qaratildi. «Sariqo‘y» va «O‘rikzor» ko‘chalarida 24/7 formatidagi turistik mahallalar yaratish ishlari davom ettiriladi.
-
Arxeologiya: Marhamat tumanidagi Mingtepa yodgorligining xalqaro tadqiqotchilar va tarix ishqibozlari uchun jozibadorligini oshirish masalalari muhokama qilindi.
-
Ekoturizm: Bo‘ston tumanidagi o‘rmon xo‘jaligi bazasida ekoturizmni yo‘lga qo‘yish rejalashtirilmoqda.
Infratuzilma va tadbirkorlikni qo‘llab-quvvatlash Abdulaziz Akkulov turistik obektlar atrofidagi yo‘l va muhandislik tarmoqlarini rivojlantirish zarurligini ta’kidladi. Shuningdek, oilaviy mehmon uylari tarmog‘ini kengaytirish, kichik biznesga investitsiyalarni jalb qilish va servis sohasidagi tadbirkorlarni qo‘llab-quvvatlash ustuvor vazifa etib belgilandi.
