21-iyulga o‘tar kechasi Toshkentning bir nechta tumanlarida issiq suv harorati vaqtincha pasayadi. Bu Toshissiqlikmarkazi (ToshTETS) hududidagi quvurlarni sinovdan o‘tkazish bilan bog‘liq.
Toshkent shahrining ayrim hududlarida 21-iyulga o‘tar kechasi issiq suv harorati vaqtincha pasayishi kutilmoqda. Issiqlik ta’minoti kompaniyasi xabariga ko‘ra, bu holat ToshTETS (M-0) zonasi hududidagi issiqlik tarmog‘i quvurlarida gidravlik sinovlar o‘tkazilishi bilan bog‘liq.
Aholiga noqulaylik tug‘dirmaslik uchun rejaviy ishlar tungi soat 00:00 dan tonggi 06:00 gacha amalga oshiriladi. Quvurlarni yuqori bosim ostida tekshirish (opressovka) tarmog‘ining mustahkamligini aniqlash hamda kelgusi isitish mavsumiga barqaror tayyorgarlik ko‘rish maqsadida o‘tkazilmoqda.
Gidravlik sinovlar quyidagi ko‘cha va mavzelarni qamrab oladi:
-
Ko‘chalar: Sh. Rashidov, Bobur, Sh. Rustaveli, Glinka, Bog‘ibuston, Arnasoy, Katta Chilonzor, Afrosiyob, Oybek, Avliyoata, Mirobod, Fidokor, Shahjahon, J. Shoshiy, A. Avloniy, Belariq, I. at-Termiziy, O‘rikzor, Ya. Kolas, Chimkent, Buyuk Turon, Muqimiy, Seul, Askiya, Cho‘ponota, Nurafshon, Gulxaniy, Lutfiy, Bog‘iston va Samarqand Darvoza;
-
Mavze va kvartallar: S-7 mavzesi, Oqtepa mavzesi, Oqtepa mikrorayoni hamda Chilonzor mavzesining 1–5, 7, E va I-kvartallari.
Izohlar
Hozircha izohlar yo‘q