Poytaxtda anomal issiq tufayli elektr iste’moli keskin ortishi kutilmoqda. «Toshkent shahar MET» tarmoqdagi yuqori yuklama sababli yuzaga kelishi mumkin bo‘lgan vaqtinchalik va avariyaviy uzilishlardan ogohlantirdi.
Respublikada kuzatilayotgan anomal jazirama ob-havo tufayli elektr energiyasi iste’moli keskin ortishi kutilmoqda. Bu haqda “Toshkent shahar magistral elektr tarmoqlari” filiali poytaxt aholisini ogohlantirdi.
Tashkilotning ma’lum qilishicha, tarmoqdagi yuqori yuklama sababli Toshkentning ayrim hududlarida qisqa muddatli uzilishlar hamda avariyaviy o‘chishlar yuzaga kelishi ehtimoli yuqori.
Hozirda mutaxassislar tizim barqarorligini ta’minlash va yuzaga kelgan nosozliklarni tezkor bartaraf etish choralarini ko‘rmoqda.
Iste’molchilardan so‘rov: Korxona shahar aholisidan tarmoqqa tushadigan bosimni kamaytirish uchun elektrdan oqilona va tejamkor foydalanishni hamda vaqtinchalik noqulayliklarni to‘g‘ri tushunishni so‘radi.
Izohlar
Hozircha izohlar yo‘q