O‘zbekiston terma jamoasi Eldor Shomurodovning golidan so‘ng hisobda oldinda borayotgandi, biroq ikkinchi bo‘limda uchta gol o‘tkazib yuborib, DR Kongoga 1:3 hisobida imkoniyatni boy berdi.
Uchrashuvning dastlabki daqiqalari keskin hujumlar bilan boshlandi. Birinchi daqiqadayoq terma jamoamiz sardori Eldor Shomurodov raqib darvozasini ishg‘ol qildi, ammo hakam ofsayd sababli golni inobatga olmadi. Shunga qaramay, hujumchimiz tez orada kongo hisobiga yana bir bor aniq zarba yo‘lladi va bu safar toza gol urib, hisobni ochishga muvaffaq bo‘ldi.
Ikkinchi bo‘limdagi burilish va penalti
O‘yinning ikkinchi qismida Afrika jamoasi muvozanatni tiklash uchun oldinga o‘tdi. Dastlab kiritilgan gol VAR tekshiruvidan so‘ng hakam tomonidan bekor qilingan bo‘lsa, 66-daqiqada vaziyat o‘zgardi. Jarima maydonchasi ichida himoyachimiz Abduqodir Husanov hamda Yoan Vissa o‘rtasidagi to‘qnashuvdan keyin hakam darvozamizga penalti belgiladi. Vissa zarbada adashmadi va hisobni 1:1 ko‘rinishiga keltirdi.
O‘yin oxirida raqib bosimni yanada kuchaytirdi. Fiston Mayele kutilmagan zarba bilan kongo jamoasini hisobda oldinga olib chiqqan bo‘lsa, uchrashuv yakunlanishi arafasida Yoan Vissa himoyamizdagi xatolikdan unumli foydalanib, dublini rasmiylashtirdi va yakuniy hisobni o‘rnatdi — 3:1, O‘zbekiston terma jamoasi mag‘lub bo‘ldi.
Izohlar
Hozircha izohlar yo‘q