O‘zbekiston piyoz narxi eng arzon davlatlar reytingida birinchi o‘rinni egalladi. Bizda bir kg piyoz 0,38 dollar turadi, bu AQSHdagidan 8 baravar arzon.
Numbeo tahliliy portali tomonidan 2026-yil 8-may holatiga ko‘ra e’lon qilingan ma’lumotlar O‘zbekistonni piyoz narxi bo‘yicha jahon yetakchisiga aylantirdi. Tadqiqot natijalariga ko‘ra mamlakatimizda bir kilogramm piyozning o‘rtacha chakana narxi 0,38 dollarni tashkil etadi. Ushbu ko‘rsatkich bilan respublikamiz 101 ta davlat orasida eng so‘nggi pog‘onani egallab, mahsulotning hamyonbopligi bo‘yicha dunyoda birinchi o‘ringa chiqdi.
Xalqaro miqyosdagi narxlar o‘rtasidagi farq hayratlanarli darajada katta. Dunyodagi eng qimmat piyoz Puerto-Rikoda bo‘lib, u yerda bir kilogramm mahsulot 3,08 dollardan sotilmoqda. Bu O‘zbekistondagi ichki bozor narxlaridan sakkiz barobar yuqoridir. AQSH, Norvegiya va Yaponiya kabi davlatlar ham eng qimmat piyoz sotiladigan mamlakatlar ro‘yxatining yuqori qismidan joy olgan. MDH hududida ham O‘zbekiston mutlaq yetakchilikni saqlab qolmoqda, qo‘shni Qozog‘iston va Rossiyada narxlar ancha yuqori.
O‘zbekistonga eng yaqin narxlar Turkiya va Hindiston bozorlarida qayd etilgan bo‘lib, u yerda piyoz o‘rtacha 0,40 dollardan taklif etilmoqda. Ushbu indeks foydalanuvchilar va rasmiy statistika idoralari ma’lumotlari asosida shakllantirilgan bo‘lib, mamlakatimizning oziq-ovqat xavfsizligi va hamyonbopligi borasidagi yuqori salohiyatini yana bir bor tasdiqlaydi.
