O‘zbekiston Prezidenti sammit tadbirlarida ishtirok etish uchun Ostonaga keldi. Xalqaro ko‘rgazmalar markazida Shavkat Mirziyoyevni Qosim-Jomart Toqayev kutib oldi.
Mazkur Mintaqaviy ekologik sammit mintaqa davlatlari rahbarlari va xalqaro ekspertlarni suv resurslaridan oqilona foydalanish, cho‘llanishga qarshi kurashish hamda ekologik toza texnologiyalarni joriy etish bo‘yicha qo‘shma yechimlarni ishlab chiqish yo‘lida birlashtirdi.
Sammit dasturi keng ko‘lamli ekspozitsiya bilan tanishishdan boshlandi. Ayni daqiqalarda delegatsiyalar rahbarlari milliy pavilonlar ko‘rgazmasini ko‘zdan kechirmoqdalar, u yerda mintaqa mamlakatlarining «yashil» energetika va atrof-muhitni muhofaza qilish sohasidagi yutuqlari namoyish etilmoqda.
Kutilishicha, sessiyalar davomida Mintaqaviy ekologik sammit global iqlim o‘zgarishi sharoitida ekologik xavfsizlikni mustahkamlash va butun mintaqaning barqaror rivojlanishiga qaratilgan O‘zbekiston tashabbuslarini ilgari surish uchun muhim maydon bo‘ladi.
Izohlar
Hozircha izohlar yo‘q