Transport vazirligi Xitoy kompaniyasi O‘zbekiston taksi bozoriga 5 mingta avtomobil va o‘z ilovasi bilan kirib kelishni rejalashtirayotganini ma’lum qildi.
Yangi ishtirokchi va Transport vazirligi bayonoti
O‘zbekiston taksi xizmatlari bozorida Xitoyning yirik kompaniyasi o‘z faoliyatini boshlashga hozirlik ko‘rmoqda. Bu haqda Transport vazirining birinchi o‘rinbosari Mamanbiy Omarov Spot’ga bergan intervyusida ma’lum qildi. Vazir o‘rinbosarining ta’kidlashicha, yangi ishtirokchi ichki bozorgan 5 mingta avtomobil olib kirishni hamda shaxsiy mobil ilovasini ishga tushirishni rejalashtirmoqda. Servis yaqin orada ish boshlashi kutilmoqda.
Bozordagi vaziyat va Yandex Go uzilishi
Yangi servis haqidagi xabarlar Yandex Go ilovasida 11-oktyabr kuni kuzatilgan ommaviy uzilish fonida paydo bo‘ldi. Kompaniyaning ma’lumotlar markazidagi avariya sababli Yandex Go faoliyati bir necha soatga to‘xtab qolgan edi. Oqibatda talab boshqa muqobil ilovalarga yo‘naltirildi: 11-13-oktyabr kunlari Uklon ilovasidagi buyurtmalar soni 2–3 baravarga, MyTaxi’da esa 15 baravarga oshdi. Xitoy kompaniyasining kirib kelishi taksi bozorida raqobatni kuchaytirishga va texnik uzilishlar paytida muqobil variantlarni ko‘paytirishga xizmat qiladi.
