Shohruh Nosirov Toshkent shahar Turizm boshqarmasi boshlig‘i vazifasini bajaruvchi etib tayinlandi. U ilgari xalqaro loyihalar hamda bo‘lim boshlig‘i lavozimida ishlagan.
Tayinlov va mutassislik Nosirov Shohruh Shuhrat o‘g‘li Toshkent shahar Turizm boshqarmasi boshlig‘i vazifasini vaqtincha bajaruvchi etib tayinlandi. U Toshkent davlat iqtisodiyot universitetini iqtisodchi mutassisligi bo‘yicha tamomlagan. Shohruh Nosirov 2021-yildan buyon poytaxt Turizm boshqarmasi tizimida uzluksiz faoliyat yuritib, yetakchi mutaxassis, bosh mutaxassis hamda bo‘lim boshlig‘i lavozimlarigacha bo‘lgan xizmat yo‘lini o‘tdi.
Ommaviy faoliyat va loyihalar Boshqarmadagi faoliyati davomida Shohruh Nosirov Toshkent shahrining turizm salohiyatini xalqaro maydonda targ‘ib qilish hamda yirik madaniy-ma’rifiy loyihalarni tashkillashtirishga mas’ul bo‘lgan. Xususan, u Ostonada o‘tkazilgan Toshkent madaniyati kunlarida poytaxt hokimligi nomidan rasmiy vakil va tashkilotchi sifatida ishtirok etib, shahar turizm imkoniyatlari hamda milliy madaniyatni keng namoyish etish ishlariga bosh-qosh bo‘lgan.
