2026-yil 3-sentyabr kuni Rossiya aeroportlaridagi cheklovlar sabab Toshkent — Moskva reysi orqaga qaytarildi, Termizdan uchgan samolyot esa Peterburgda qo‘ndi. Parvozlarda kechikishlar kuzatilmoqda.
Rossiyaning ayrim aeroportlarida havo kemalarini qabul qilishga kiritilgan vaqtinchalik cheklovlar sababli Uzbekistan Airways aviakompaniyasining bir nechta reyslari yo‘nalishi o‘zgartirildi hamda parvozlar jadvaliga tuzatishlar kiritildi.
Reyslardagi o‘zgarishlar va kechikishlar
Aviakompaniya matbuot xizmati ma’lumotlariga ko‘ra, qarorlar parvozlar xavfsizligini ta’minlash va mavjud vaziyatni hisobga olgan holda qabul qilingan:
-
Toshkent — Moskva reysi: Toshkentdan Moskva (Domodedovo) yo‘nalishi bo‘yicha uchgan HY603 reysi Rossiya havo hududidagi cheklovlar sabab orqaga qaytarildi. Shuningdek, HY604 aks reysining uchishi ham kechiktirilishi ma’lum qilindi.
-
Termiz — Moskva reysi: Termizdan Moskvadagi Vnikovo aeroportiga yo‘l olgan HY9609 reysi Sankt-Peterburgdagi zaxira aerodromiga yo‘naltirildi. Buning ortidan Vnokovo-Andijon (HY9622) va Andijon-Vnokovo (HY9621) reyslari ham jadvaldan kechikmoqda.
Urush fonidagi xavfsizlik xatarlari
Rossiya havo hududidagi cheklovlar va xavfsizlik choralarining kuchaytirilishi umumiy harbiy-siyosiy vaziyat bilan bog‘liq.
Avvalroq Ukraina prezidenti Vladimir Zelenskiy xalqaro aviakompaniyalarni ogohlantirib, Rossiya osmonida dronlar paydo bo‘lishi ko‘payishi sababli bu hududda parvozlarni amalga oshirish xavfli bo‘lib borayotganini ta’kidlagan edi. Tashuvchi kompaniya yo‘lovchilardan parvozlar jadvalidagi o‘zgarishlarni rasmiy manbalar orqali kuzatib borishni so‘ragan.
