Toshkentda Mega Logistics Servise kompaniyasi fuqarolarning uyini noqonuniy buzib, ruxsatsiz ko‘p qavatli uylar qurgan. Jinoyat ishi qo‘zg‘atildi.
Toshkent shahar prokuraturasi Yakkasaroy tumanida joylashgan New Port turar joy majmuasi quruvchisi — Mega Logistics Servise MChJga nisbatan o‘tkazilgan tergovga qadar tekshiruv natijalarini e’lon qildi. Aniqlanishicha, tashkilot mas’ul shaxslari Damariq MFY, A. Qahhor ko‘chasidagi 19-uyda yashovchi fuqarolarni majburiy ko‘chirish jarayoni yakunlanmasdan turib, ushbu xususiy xonadonni o‘zboshimchalik bilan buzib tashlagan.
O‘rganishlar davomida noqonuniy ravishda buzilgan xonadon o‘rnida tegishli ruxsatnomalar olinmasdan bitta 20 qavatli, ikkita 19 qavatli, bitta 12 qavatli hamda bitta 2 qavatli turar joy binolari noqonuniy ravishda qurib bitkazilgani aniqlandi.
Ushbu holatlar yuzasidan Mega Logistics Servise MChJ xodimlari hamda boshqa aloqador shaxslarga nisbatan jinoyat ishi qo‘zg‘atildi. Hozirda dastlabki tergov harakatlari olib borilmoqda va jarayon alohida nazoratga olingan.
Izohlar
Hozircha izohlar yo‘q