AQSH Prezidenti Donald Tramp FIFA rahbari Janni Infantinoga qo‘ng‘iroq qilib, hujumchi Folarin Balogunning Belgiyaga qarshi 1/8 final o‘yini oldidan olgan diskvalifikatsiyasini bekor qildirdi.
Ma’lumot o‘rnida, iste’dodli futbolchi turnir davomida qizil kartochka olgani sababli avtomatik ravishda pley-offning muhim bosqichi hisoblangan Belgiyaga qarshi 1/8 final uchrashuvini o‘tkazib yuborishi kerak edi.
Oq uy rahbarining ushbu aralashuvi va Infantino bilan kechgan to‘g‘ridan-to‘g‘ri muloqotidan so‘ng, xalqaro futbol tashkiloti o‘z tartib-qoidalarini chetga surib, kutilmagan qaror qabul qildi. FIFA yakunda Balogunning maydonga tushishiga rasman ruxsat berdi. Ushbu qarordan so‘ng AQSH Prezidenti xalqaro tashkilot rahbariyatiga ochiqchasiga minnatdorchilik bildirdi va FIFA rahbariyati futbolchini tarkibga qaytarish orqali “katta xatoni to‘g‘irlaganini” alohida mamnuniyat bilan ta’kidlab o‘tdi.
Mazkur voqea jahon sport jamoatchiligi, xususan, Yevropa futbol federatsiyalari va mutaxassislari o‘rtasida keskin e’tirozlar to‘lqinini keltirib chiqardi. Ko‘plab ekspertlar buni FIFA tomonidan qoidalarning qo‘pol ravishda buzilishi va mezbon davlat rahbarining siyosiy bosimi ostida qabul qilingan o‘ta xavfli pretsedent (namuna) deb baholamoqda. Siyosatning sportga bu qadar ochiq aralashuvi mundial tarixida jiddiy munozaralarga sabab bo‘lishi kutilmoqda.
Izohlar
Hozircha izohlar yo‘q