Putin Yevropaga qarshi urush boshlashga tayyorlanmoqda. Kreml NATO davlatlari to‘liq qurollanib olguncha zarba berish ssenariysini ko‘rib chiqayotgani aytilmoqda.
Ekspertlarning fikricha, Vladimir Putin Ukraina frontidagi vaziyat fonida Yevropaga qarshi yangi eskalatsiyani rejalashtirayotgan bo‘lishi mumkin. Moskva G‘arb davlatlari o‘z harbiy zaxiralarini to‘ldirib, to‘liq qayta qurollanib olgunga qadar hujumga o‘tishni maqsad qilgan.
Rossiya Mudofaa vazirligi tomonidan Germaniya, Buyuk Britaniya va Shvetsiya kabi davlatlarga yo‘llanayotgan to‘g‘ridan-to‘g‘ri tahdidlar ushbu xavotirlarni yanada kuchaytirmoqda.
Tahlilchilar Rossiya NATOning jamoaviy mudofaa tizimini sinash uchun Boltiqbo‘yi mamlakatlariga zarba berish ehtimolini ham inobatga olishmoqda. AQSHning alyansga nisbatan pozitsiyasi o‘zgarishi mumkin bo‘lgan sharoitda, Yevropa uchun ushbu tahdid yaqin yillardagi eng asosiy xavfsizlik muammosiga aylanishi kutilmoqda.
Izohlar
Hozircha izohlar yo‘q